Էրդողանի հայտարարությունից հետո թուրքական հրետանին գնդակոծել է Սիրիայի քրդական դիրքերը

Երեկ երեկոյան թուրքական հրետանին (ըստ որոշ տեղեկությունների՝ նաև օդուժը) ինտենսիվ հրետակոծություն է իրականացրել քրդական PKK/YPG-ի կողմից վերահսկվող Այն Իսա քաղաքի և M4 մայրուղու մերձակայքում:

Ավելի վաղ Թուրքիայի նախագահը հայտարարել էր, որ Անկարան հաստատակամ է Սիրիայի հյուսիսում քրդական կազմավորումների սպառնալիքները վերացնելու հարցում՝ ակնարկելով հերթական ռազմական գործողությունը սկսելու հնարավորությունը: Էրդողանն ասել էր, որ Անկարան դա կանի կա՛մ սեփական միջոցներով, կա՛մ տեղական ուժերի՝ Թուրքիայի դաշնակից սիրիական ընդդիմության զինված ստորաբաժանումների հետ համագործակցությամբ:

Հիշեցնենք, որ երեկ Թուրքիայի ԱԳՆ ղեկավար Մևլյութ Չավուշօղլուն նույնպես ակնարկել էր, որ Թուրքիան հնարավոր է ռազմական գործողություն սկսի երկրի հարավին «սպառնացող քրդերի դեմ»: