Թուրքիան և Ադրբեջանը համակարգում են Հայաստանի ուղղությամբ քայլերը. Չավուշօղլու

Թուրքիայի արտգործնախարար Մևլյութ Չավուշօղլուն հայտարարել է, որ մտադիր չէ հանդիպել հայկական դիվանագիտության ղեկավարի հետ․ հայտնում է «Անադոլու» գործակալությունը։

Ստամբուլում ադրբեջանցի գործընկեր Ջեյհուն Բայրամովի հետ համատեղ ասուլիսում Չավուշօղլուն անդրադարձել է հայ-թուրքական հարաբերությունների թեմային: Նա հիշեցրել է, որ Հայաստանում ընտրություններից հետո վարչապետ Նիկոլ Փաշինյանը որոշ դրական ուղերձներ է հղել Անկարային:

«44-օրյա պատերազմի ավարտի ֆոնին՝ մենք հույս ունենք, որ տարածաշրջանում վերջապես իշխելու է խաղաղությունն ու կայունությունը: Ադրբեջանը հանդես է եկել Հայաստանի հետ լայնամասշտաբ խաղաղության պայմանագիր կնքելու նախաձեռնությամբ: Երևանը դեռ դրական պատասխան չի տվել: Թուրքիան կշարունակի համակարգել իր քայլերն Ադրբեջանի հետ, համատեղ որոշումներ կկայացնի»,- վստահեցրել է Չավուշօղլուն: