ԱԷՄԳ ղեկավարն ասել է, որ Իրանն իր տեսուչներին չի թույլատրել մտնել միջուկային օբյեկտ

Իրանը թույլ չի տվել ԱԷՄԳ-ի տեսուչներին՝ մտնել Քարաջի օբյեկտ` տեսախցիկներ սպասարկելու համար՝ չնայած ավելի վաղ ձեռք բերված պայմանավորվածություններին։ Այս մասին տեղեկացրել է ԱԷՄԳ–ը։

Իրանի վերաբերյալ վերջին զեկույցում գործակալության գլխավոր տնօրեն Ռաֆայել Գրոսին ասել էր, որ Թեհրանը սեպտեմբերի 20-22-ը թույլատրել է ԱԷՄԳ-ի տեսուչներին՝ սպասարկել մոնիթորինգի և վերահսկման սարքավորումները, բացառությամբ Քարաջում ցենտրիֆուգի բաղադրիչների արտադրամասի։ Գործակալությանը թույլ չեն տվել այնտեղ տեղադրել նոր տեսախցիկներ կամ սպասարկել հները:

«Գլխավոր տնօրենը շեշտում է, որ Իրանի որոշումը` գործակալությանը մուտքի թույլտվություն չտալ Քարաջում TESA համալիրի ցենտրիֆուգային բաղադրիչների արտադրամաս մուտք գործելու համար, հակասում է Իրանի փոխնախագահի և ատոմային էներգետիկայի ծառայության տնօրենի՝ սեպտեմբերի 12-ին հրապարակած համատեղ հայտարարության պայմաններին»,- ասվում է «ՌԻԱ Նովոստի»-ի տրամադրության տակ եղած հայտարարության մեջ: