Իլհամ Ալիևը կոչ է արել աշխարհի երկրներին՝ չկիրառել «Լեռնային Ղարաբաղ» անվանումը

Ես կոչ եմ անում ՄԱԿ-ի անդամ երկրներին և ՄԱԿ-ի քարտուղարությանը, երբ հղում ենք անում մեր տարածքներին, թույլ չտալ կիրառել իրավական տեսանկյունից գոյություն չունեցող մանիպուլյացիոն անուններ․  ասել է Ադրբեջանի նախագահ Իլհամ Ալիևը՝ ելույթ ունենալով ՄԱԿ-ի Գլխավոր ասամբլեայի 76 -րդ նստաշրջանում։

«Ադրբեջանը լուծել է 30-ամյա հակամարտությունը ռազմաքաղաքական միջոցներով, վերականգնել է իր տարածքային ամբողջականությունը և պատմական արդարությունը: Լեռնային Ղարաբաղի հակամարտությունը մնացել է անցյալում: Ադրբեջանում այլևս չկա Լեռնային Ղարաբաղ անունով վարչատարածքային միավոր: 2021 թվականի հուլիսի 7-ի հրամանագրով մենք ստեղծել ենք Ղարաբաղի և Արևելյան Զանգեզուրի տնտեսական գոտիները: Օգտվելով առիթից՝ ես կոչ եմ անում ՄԱԿ-ի անդամ երկրներին և ՄԱԿ -ի քարտուղարությանը՝ մեր տարածքներին անդրադառնալիս թույլ չտալ իրավական տեսանկյունից գոյություն չունեցող, քաղաքականապես կողմնակալ, մանիպուլյատիվ անունների կիրառումը»,- ընդգծել է թշնամական պետության ղեկավարը: