Լավրովը միջնորդություն է առաջարկել Իսրայելին և Պաղեստինին

Ռուսաստանը պատրաստ է նպաստել Իսրայելի և Պաղեստինի միջև ուղիղ երկխոսության հաստատմանը: Այդ մասին հինգշաբթի հայտարարել է Ռուսաստանի արտգործնախարար Սերգեյ Լավրովը Իսրայելի ԱԳ նախարար Յաիր Լապիդի հետ բանակցություններից հետո կայացած մամուլի ասուլիսում:

«Մենք ողջունում ենք մի շարք արաբական պետությունների հետ Իսրայելի կապերի կարգավորումը և աջակցում այս գործընթացի շարունակմանը: Մենք ենթադրում ենք, որ այն պետք է նպաստի Մերձավոր Արևելքի համապարփակ կարգավորման առաջխաղացմանը: Մենք վերահաստատեցինք Ռուսաստանի պատրաստակամությունը՝ ավելի հեշտացնել իսրայելցիների և պաղեստինցիների միջև ուղիղ երկխոսության հաստատումը՝ ինչպես երկկողմանի ուղիներով, այնպես էլ որպես միջազգային միջնորդ քառյակի անդամ»,- ասել է նա: