Խ․ Սուքիասյանը 25 հարկանի շենք է կառուցում․ մասնագետն ասում է՝ ապօրինի է

ՔՊ-ական պատգամավոր, հայտնի գործարար և Փաշինյանի իշխանության առանցքային հենարան Խաչատուր Սուքիասյանի համար «ծովը ծնկներից է»։ Իրեն պատկանող «Ռոսիա մոլ» առեւտրի կենտրոնի կողքին բարձրահարկ՝ մոտ 25 հարկանի շենք է կառուցվում, որը, ըստ մասնագետների, կառուցվում է ապօրինաբար, սահմանված կանոնակարգերի խախտումով։

Շենքի կառուման ապօրինության մասին Yerkir.am-ը տեղեկացավ ՀՀ կրթության, գիտության, մշակույթի եւ պորտի նախարարության պատմության եւ հուշարձանների պահպանության գործակալության նախկին պետ Արմեն Աբրոյանից։

«Գործակալության լուծարումից հետո Երեւանում սկսեցին ապօրինի շենքեր բարձրանալ։ Սուքիասյաններին պատկանող «Ռոսիա մոլ»-ի կողքին ապօրինաբար, նորմերի խախտումով նոր շենք է կառուցվում։ Այն ժամանակ գործակալությունը մերժեց, քանի որ տարածքը համարվում է պատմական միջավայր՝ 5-6 հարկանի շենքերով, եթե ավելի բարձրահարկ կառուցվի՝ կկորի թաղամասի ճարտարապետական տեսքը։ Հիմա 25 հարկի համաձայնություն ունեն»,-ասաց Աբրոյանը։

Այս առնչությամբ Yerkir.am-ը գրավոր հարցում է ուղարկել ԿԳՄՍ նախարարություն

Մանրամասները՝ շուտով։  

Լ․Ս․