Անդրանիկ Քոչարյանենց իշխանությունն անգամ վառելիք չէր տալիս. Գեղամ Մանուկյան

Այս մի քանի ժամվա մեջ դուք լսեցիք ամեն ինչ Վահե Հակոբյանի հետ կապված, բացի տնտեսական հարցերից: Ազգային ժողովում ելույթի ժամանակ ասաց «Հայաստան» խմբակցության պատգամավոր Գեղամ Մանուկյանը:

«Ես ուզում եմ ընթերցել, որ պարզ դառնա, թե ինչ հանձնաժողովի մասին է  խոսքը, որի նախագահի պաշտոնում առաջադրվել է Վահե Հակոբյանը: Այսպիսով, տնտեսական հարցերի մշտական հանձնաժողով՝ հարկեր, տուրքեր, վճարներ, արդյունաբերություն, քաղաքաշինություն, էներգետիկա, բնական պաշարներ, տրանսպորտ, կապ, հեռահաղորդակցություն, ինտերնետ, արտադրական ենթակառուցվածքի այլ ճյուղեր, զբոսաշրջություն, առևտուր և ծառայություններ, ձեռնարկատիրական գործենություն, պետական գույքի կառավարում, սակագներ, ներդրումներ, տնտեսական մրցակցություն, հակամենաշնորհ և այդ ոլորտները կարգավորող օրենքներ: Այս հարցերով պետք է զբաղբի առաջիկայում տնտեսական հարցերով հանձնաժողովը, որպեսզի հարցերի անդրադառնա հատկապես մի երկրում, որտեղ էկոնոամիկայի նախարարը տնտեսական աճն ապահովում է ֆեյսբուքյան գրառումներով և չկա օր, որ համացանցը կատակներով չլցվի էկոնոմիկայի նախարարների գրառումներով»:

Ամբողջական ելույթը՝ տեսանյութով: