Հայ ռազմագերիների հերթական խումբը շինծու մեղադրանքներով Բաքվում դատապարտվել է 6 տարվա ազատազրկման

Ադրբեջանում ավարտվել է հերթական շինծու դատավարությունը հայ ռազմագերիների նկատմամբ.  Աստանյան Եղիշեն, Արամյան Կարենը, Ավագյան Տիգրանը, Գևորգյան Գրիգորը, Մանուկյան Հովսեփը, Մարտիրոսյան Գևորգը, Գևորգյան Ռոբերտը, Ավետիսյան Վաղարշակը, Հակոբյան Վալոդիան, Սուքիասյան Անդրանիկը, Մանուկյան Անդրանիկը, Սաղաթելյան Գրիգորը և Կիրակոսյան Էդուարդը դատապարտվել են 6 տարվա ազատազրկման։

Նշվում է, որ այս խումբը գերի էր ընկել 2020 թ. դեկտեմբերին Հադրութի Խծաբերդի շրջանում։

Մեղադրողը պահանջել է «պատժել» 318.2 հոդվածներով (Ադրբեջանի Հանրապետության պետական սահմանի ապօրինի հատում մի խումբ անձանց կողմից նախնական դավադրությամբ կամ կազմակերպված խմբի կողմից) և 228.3 (զենքի ապօրինի ձեռքբերում, փոխանցում, վաճառք, պահում, փոխադրում) հոդվածներով: