Բուլղարացի գեներալը զգուշացրել է Ռուսաստանի հետ պատերազմին ՆԱՏՕ-ի նախապատրաստական աշխատանքների մասին

Բուլղարացի բրիգադային գեներալ Վալենտին Ցանկովը Dir.bg պորտալին տված հարցազրույցում Սև ծովում իրավիճակը համեմատել է Մեծ հայրենական պատերազմից առաջ Խորհրդային Միության և Գերմանիայի սահմանին տեղի ունեցածի հետ և զգուշացրել Ռուսաստանի ու ՆԱՏՕ–ի միջև ռազմական բախման վտանգի մասին:

Ըստ զինվորականի՝ Սև ծովը դարձել է Ռուսաստանի և ՆԱՏՕ-ի զինված ուժերի անմիջական շփման վայրը, քանի որ այնտեղ պարբերաբար անցկացվում են զորավարժություններ, որոնք կողմերին թույլ են տալիս պատրաստվել իրական ռազմական գործողությունների: Ցանկովը ուշադրություն է հրավիրել ՆԱՏՕ-ի «Ծովային քամի» զորավարժությունների աննախադեպ մասշտաբին`միաժամանակ մատնանշելով տարածաշրջանում Ռուսաստանի գերիշխող դիրքը:

Գեներալը նշել է, որ Ռուսաստանը դեմ է այդ զորավարժություններին՝ պաշտպանելով իր սահմանները, և շեշտել է, որ ցանկացած այլ երկիր նույնպես դա կաներ: