Բաքվում սկսվել են «Մուստաֆա Քամալ Աթաթուրք -2021» ադրբեջանա-թուրքական զորավարժությունները

Ադրբեջանի և Թուրքիայի ռազմական համագործակցության մասին համաձայնագրին համապատասխան՝ հունիսի 28-ին Բաքվում սկսվել են մարտական վարժանքներ՝ մարտական կրակով. հայտնում է Ադրբեջանի պաշտպանության նախարարությունը:

Ըստ նրանց՝ Ադրբեջանի և Թուրքիայի զինված անձնակազմի մասնակցությամբ զորավարժությունների հիմնական նպատակն է բարելավել երկու երկրների բանակների ստորաբաժանումների փոխգործակցությունը ռազմական գործողությունների ընթացքում, զարգացնել հրամանատարների շրջանում ռազմական որոշումներ կայացնելու և ստորաբաժանումների հմտությունները:

Զորավարժություններում, որոնք կտևեն մինչև հունիսի 30-ը, ներգրավված են մինչև 600 զինվորական, մինչև 40 տանկ և այլ զրահամեքենաներ, մինչև 20 տարբեր տրամաչափի հրետանային կայանքներ և ականանետներ, 7 մարտական և տրանսպորտային ուղղաթիռներ, 3 անօդաչու թռչող սարքեր՝ տարբեր նպատակներով, մինչև 50 տրանսպորտային միջոց։