Պուտինն ասել է, որ ՆԱՏՕ-ն ռազմական ուժեր է կուտակում Ռուսաստանի սահմանների մոտ

Ռուսաստանը մտահոգված է ՆԱՏՕ-ի ռազմական ներուժի և ենթակառուցվածքների կուտակմամբ պետության սահմանների մոտ և դաշինքի՝ լարվածությունը լիցքաթափելու առաջարկների մերժմամբ: Այս մասին հայտարարել է ՌԴ նախագահ Վլադիմիր Պուտինը:

«Իհարկե, մենք չենք կարող չանհանգստանալ Ռուսաստանի սահմանների մոտ ՆԱՏՕ-ի ռազմական կարողությունների և ենթակառուցվածքների շարունակական կուտակումից, ինչպես նաև այն փաստից, որ դաշինքը հրաժարվում է կառուցողականորեն դիտարկել լարվածությունը լիցքաթափելու և անկանխատեսելի միջադեպերի ռիսկը նվազեցնելու մեր առաջարկները»,- ասել է Պուտինը:

Նա հավելել է, որ Մոսկվան ակնկալում է, որ ՆԱՏՕ-ում գերակշռելու են ողջամտությունն ու կառուցողական հարաբերություններ զարգացնելու ցանկությունը: