Ռուսաստանի սահմանների մոտ մեկնարկում են ՆԱՏՕ-ի մեծամասշտաբ զորավարժություններ

Էստոնիայում մեկնարկել է տարվա սկզբից ի վեր ամենամեծ՝ «Գարնանային փոթորիկ»  զորավարժությունները, որին մասնակցում են երկրում գտնվող ՆԱՏՕ-ի զորքերը: Այս մասին հայտնում է Интерфакс-ը` հղում կատարելով հանրապետության զինված ուժերի գլխավոր շտաբի մամուլի ծառայությանը:

Նշվում է, որ կորոնավիրուսի պատճառով զորավարժությունները կանցկացվեն նախատեսվածից փոքր մասշտաբով և ավելի խիստ սահմանափակումներով: «Անցյալ տարվա «Գարնանային փոթորիկը» ցույց տվեց, որ հնարավոր է հասնել անձնակազմի վերապատրաստման խնդիրներին և ավելի փոքր կազմով»,- ասել է զորավարժությունների կազմակերպիչ, փոխգնդապետ Էրկկի Ռոսնուրման:

Ընդհանուր առմամբ, վարժանքներում ներգրավվելու է 7 հազար մարդ, այդ թվում՝ ԱՄՆ-ի, Լեհաստանի, Մեծ Բրիտանիայի, Ֆրանսիայի և մի շարք այլ պետությունների զինվորականներ: Ըստ ծառայության՝ «Գարնանային փոթորիկ»-ի նպատակը զորակոչիկների պատրաստումն է՝ հնարավորինս շատ պատրաստված զինվորներ պահեստազոր ուղարկելը: