Ռուսաստանն Իրաքում կկառուցի 8 միջուկային ռեակտոր. ծրագրի արժեքը 40 միլիարդ դոլար է:

Ռադիոակտիվ աղբյուրների վերահսկման իրաքյան հանձնաժողովի նախագահ Քամալ Հուսեյն Լաթիֆը RT Arabic-ին ասել է «Ռոսատոմի» հետ համատեղ ծրագրի մասին, որը կօգնի լուծել երկրի էլեկտրաէներգիայի պակասը։

«Մենք «Ռոսատոմ» ընկերության հետ երկար ճանապարհ ենք անցել մինչև ծրագրի իրականացման մեխանիզմի վերաբերյալ փոխըմբռնման հուշագիրը: Եթե այլ մեխանիզմների շուրջ համաձայնություն ձեռք բերվի, փոխըմբռնման հուշագրից հետո մենք կանցնենք ֆինանսական հաշվարկների թեմային: Մենք բանակցություններ ենք վարում 3 կամ 4 տարբեր ուղղություններով՝ Իրաքի համար վճարման, իրականացման, ուսուցման և այլնի լավագույն տարբերակը գտնելու համար»,- նշել է նա:

«Ռուսաստանը երկար ճանապարհ է անցել Եգիպտոսի հետ համագործակցության մեջ: Եթե այս փորձը կիրառվի Իրաքում, ապա խնդիրներ չեն առաջանա: Մեխանիզմները պարզ են, ճշգրիտ և արագ: Սա դրդել է մեզ համագործակցել ռուսական կողմի, Ռուսաստանի կառավարության և ամբողջ աշխարհում հայտնի «Ռոսատոմ» ընկերության հետ»,- հավելել է Լաթիֆը: