Էրդողանը ելույթ կունենա Ադրբեջանի մեջլիսում, ինչի պատճառով բոլոր պատգամավորները պետք է կորոնավիրուսի թեստ հանձնեն

Հունիսի 16-ին տեղի կունենա Ադրբեջանի Միլի մեջլիսի արտահերթ նիստը, որում ելույթ կունենա Թուրքիայի նախագահ Ռեջեփ Թայիփ Էրդողանը. հայտնում է minval.az կայքը։

Նրա ժամանումը Բաքու սպասվում է երկուշաբթի:

Նշվում է, որ ադրբեջանցի բոլոր պատգամավորները պետք է կորոնավիրուսի թեստ հանձնեն՝ Էրդողանի առողջության նկատառումներից ելնելով։

«Թուրք առաջնորդի ելույթը Ադրբեջանի խորհրդարանում նախատեսված է հունիսի 16-ին»,- ասել է աղբյուրը:

Ավելի վաղ Էրդողանը հայտարարել էր, որ մեկնելու է Շուշի, հունիսի 16-ին նախատեսել է մի շարք հանդիպումներ Բաքվում և դիտելու է ֆուտբոլի Եվրոպայի  առաջնության Թուրքիա-Ուելս խաղը, ապա ուղևորվելու է Անթալիա: