Էրդողանն ու Բայդենը կքննարկեն Արցախը

ՆԱՏՕ-ի գագաթնաժողովի շրջանակներում ԱՄՆ նախագահ Ջո Բայդենը իր թուրք գործընկեր Ռեջեփ Թայիփ Էրդողանի հետ կքննարկի երկրների միջև հարաբերությունները, ինչպես նաև իրավիճակը Աֆղանստանում, Իրանում, Սիրիայում և Լեռնային Ղարաբաղում: Այս մասին Սպիտակ տանը կայացած ճեպազրույցում հայտնել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

«Կլինի լայն օրակարգ. տարածաշրջանում խնդիրներ, իհարկե՝ Արևելյան Միջերկրական ծով, Սիրիա, Իրան, Լեռնային Ղարաբաղ և դերը, որը Թուրքիան կխաղա Աֆղանստանի վերաբերյալ բանակցություններում ու դիվանագիտությունում», - ասել է Սալիվանը:

Նա ընդգծել է, որ հանդիպման կենտրոնական թեմա են լինելու Վաշինգտոնի ու Անկարայի հարաբերությունները: