Իրանամետ ուժերը ԱԹՍ-ներով հարձակվել են Իրաքում տեղակայված ամերիկյան բազաների վրա. The New York Times

Իրաքում ԱՄՆ բազաներին անօդաչու թռչող սարքերով հարվածներ են հասցվել Իրանի հետ կապված ուժերի կողմից. հայտնում է The New York Times -ը՝ վկայակոչելով աղբյուրներ։

Նրանց խոսքով՝ վերջին երկու ամսվա ընթացքում զինված գրոհայինները անօդաչու թռչող սարքերով երեք անգամ հարձակվել են Իրաքի տարածքում գտնվող ԱՄՆ ռազմական բազաների վրա: Հարձակումներն իրականացվել են գիշերը: Նշվում է, որ դրանց թիրախները, ենթադրաբար, այն հենակետերն են, որտեղ տեղակայված են ԿՀՎ-ն և հատուկ նշանակության ջոկատները:

«Իրաքի և ամերիկացի պաշտոնյաները հայտնել են, որ Իրանը կատարում է այդ անօդաչու թռչող սարքերով հարվածները՝ փորձելով նվազագույնի հասցնել կորուստները, որոնք կարող են հանգեցնել ԱՄՆ պատասխան գործողությունները»,- նշում է թերթը:

Աղբյուրները նշում են, որ այս կերպ Իրանը փորձում է նվազեցնել տարածաշրջանում հետախուզություն իրականացնելու՝ ԱՄՆ-ի կարողությունը: Ի դեպ, ԱՄՆ հակաօդային պաշտպանության համակարգերն այնքան էլ արդյունավետ չեն պայթուցիկ նյութերով լցված անօդաչու թռչող սարքերի դեմ: