Հայաստանն ու Վրաստանը կվերսկսեն երկաթուղային հաղորդակցությունը, որն ընդհատվել էր համաճարակի պատճառով

Վրաստանը և Հայաստանը վերականգնում են երկաթուղային հաղորդակցությունը, որն ընդհատվել էր կորոնավիրուսային համաճարակի պատճառով: Առաջին գնացքը մեկնելու է հունիսի 15-ին՝ Երևանից Բաթում: Այդ մասին երկուշաբթի կառավարության նիստից հետո կայացած ճեպազրույցում հայտարարել է Վրաստանի էկոնոմիկայի և կայուն զարգացման նախարար Նաթիա Տուրնավան:

«Ես ուզում եմ ասել, որ երկաթուղային հաղորդակցությունը վերականգնված է Հայաստանի և Վրաստանի միջև: Հունիսի 15-ին առաջին գնացքը Երևանից կմեկնի Բաթում՝ Թբիլիսիով: Սա նշանակում է, որ մեր դաշնակից հարևան պետությունից զբոսաշրջիկները կգան Վրաստան՝ մեր սևծովյան հանգստավայրեր, մեր մայրաքաղաքը, այլ զբոսաշրջային ուղղություններ»,- ասել է Տուրնավան: