Նովոսիբիրսկում ադրբեջանցի սպանած ոստիկանն ազատ է արձակվել

Նովոսիբիրսկում Քննչական կոմիտեի ղեկավարի հրամանով կալանքից ազատվել է ոստիկանության աշխատակից Ալեքսանդր Բաստրիկինը, որն օրինախախտի էր գնդակահարել.  ըստ «ՌԻԱ Նովոստի»-ի` հայտնել է Քննչական կոմիտեի ներկայացուցիչ Սվետլանա Պետրենկոն:

«Քննիչը փոխել է ոստիկանի նկատմամբ խափանման միջոցը՝ ընտրելով բնակության վայրը չլքելու մասին ստորագրությունը», - ասել է նա:

Դեպքը տեղի է ունեցել մայիսի 28-ին: Ճանապարհային ոստիկանության տեսուչը մայրուղում 19-ամյա օրինախախտ Վեքիլ Աբդուլաևին բերման ենթարկելու ժամանակ պատահաբար կրակել է նրա գլխին, երբ նա փորձել է հետ մղել իր ընկերոջը: Երկու օր անց Աբդուլաևը մահացել է հիվանդանոցում: Ոստիկանության սպան մեղադրվում է իր լիազորությունները գերազանցելու մեջ: