Հրանտ Դինքին սպանած Օգյուն Սամասթը կարող է 9 ամսից ազատ արձակվել

«Ակօս» թերթի հիմնադիր և գլխավոր խմբագիր Հրանտ Դինքին սպանած Օգյուն Սամասթին մնացել է 1 տարի և 9 ամիս ժամկետ ազատազրկում։

Դատավարության արդյունքում վճռվել էր, որ Սամասթի կողմից Դինքի սպանությունը չէր եղել «խմբավորման» շրջանակներում, այլ սովորական սպանություն էր։ Սպանության պահին 18 տարեկանից ցածր լինելու պատճառով Սամասթը «ծրագրված սպանություն» և «առանց թույլտվության զենքի կիրառելու» մեղադրանքներով դապատարտվել էր 22 տարի և 10 ամիս ազատազրկման. հայտնում է sol.org.tr կայքը։

Սամասթի ժամկետը սակայն կատարողականության մասին օրենքով կրճատվեց, հասցվելով 15 տարի և 2 ամսվա։ 13 տարի 5 ամիս բանտում գտնվող Սամասթին փաստորեն մնացել է 1 տարի 9 ամիս։

Վերջին մեկ տարին Սամասթը պայմանական վաղաժամկետով ազատ կարձակվի, հետևաբար նրան մնում է ընդամենը 9 ամիս։