Ավտովթար՝ Երևանի Գ․ Նժդեհ–Արշակունյաց խաչմերուկում․ կա տուժած

Մայիսի 25-ին, ժամը 23։52-ին Ճգնաժամային կառավարման ազգային կենտրոն ահազանգ է ստացվել, որ Երևանի «Հայրենիք» կինոթատրոնի խաչմերուկում (Գ․ Նժդեհ–Արշակունյաց պողոտա) տեղի է ունեցել ՃՏՊ․ ավտոմեքենան շրջվել է:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Mercedes E550» (վարորդ՝ Ա․ Պ․) և «Opel Astra G» (վարորդ՝ Ս․ Հ․, ծնված 1989 թ․) մակնիշի ավտոմեքենաները․ «Opel Astra G» մակնիշի ավտոմեքենան կողաշրջվել է։

Փրկարարները հոսանքազրկել են ավտոմեքենաները, փակել գազի բալոնների փականները և տուժած Ս. Հ․-ին մոտեցրել շտապօգնության ավտոմեքենային: Տուժածը հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն, դուրս է գրվել: