Թուրքիայի հարավ-արևմուտքում գտնվող երկու ռազմական հենակետերի վրա ԱԹՍ-ներով հարձակում է տեղի ունեցել

Ռադիոկառավարվող մոդելի անօդաչու թռչող սարքերը հարձակվել են Թուրքիայի արեւելքում գտնվող երկու ռազմական օբյեկտների վրա՝ առանց զոհերի եւ վնասների.  հաղորդում է ՌԻԱ «Նովոստի»-ն:

«Բաթմանի մեր հենակետի վրա, որտեղ տեղակայված են անօդաչու թռչող սարքերը և Շըրնաքի 23-րդ հետևակի դիվիզիայի հրամանատարությունը, հարձակման փորձ է արվել՝ ավիամոդելային ԱԹՍ–ների կիրառմամբ» - նշել է Թուրքիայի ՊՆ-ն։

Վերջին երեք օրվա ընթացքում սա երկրորդ նմանատիպ հարձակումն է թուրքական ռազմակայանների վրա: Չորեքշաբթի հանրապետության ներքին գործերի նախարար Սուլեյման Սոյլուն հայտարարեց երկու անօդաչու թռչող սարքերի վնասազերծման մասին, որոնք ռադիոկարգավորվող մոդելի ինքնաթիռներ էին և հարձակվել էին Դիարբեքիրում գտնվող՝ Թուրքիայի ռազմաօդային ուժերի հենակետի վրա: