Ալիևը հայտարարել է, որ Ադրբեջանը հետաքրքրված է ամերիկյան ռազմական տեխնիկայով

Ադրբեջանը շահագրգռված է ամերիկյան ռազմական տեխնիկայի մատակարարմամբ. հինգշաբթի հայտարարել է Ադրբեջանի նախագահ Իլհամ Ալիևը Հարավային Կովկասում համագործակցության զարգացմանն ու հեռանկարներին նվիրված խորհրդաժողովում:

 «Մենք ցանկանում ենք էլ ավելի դիվերսիֆիկացնել մեր հարաբերությունները Միացյալ Նահանգների հետ և, իհարկե, հասանելիություն ունենալ ամերիկյան ռազմական տեխնիկայի նկատմամբ»,- ասել է նա:

Ալիևը ափսոսանք է հայտնել, որ մինչ այժմ Բաքուն նման հնարավորություն չունի: «Հավանաբար, դա պայմանավորված էր Հայաստանի հետ հակամարտությամբ: Բայց հիմա, երբ (Լեռնային Ղարաբաղի շուրջ) հակամարտությունն ավարտվել է, այն լուծվել է, կարծում եմ, որ այլևս պատճառներ չկան, թե ինչու չպետք է համագործակցենք պաշտպանական արդյունաբերության ոլորտում»,- ասել է նա: