Պոմպեոն նախազգուշացրել է ԱՄՆ-ին, որ հակաիրանական հռետորաբանության մեղմումն արդյունք չի տա

ԱՄՆ նախկին պետքարտուղար Մայք Պոմպեոն հայտարարել է, որ Իրանի դեմ ԱՄՆ-ի ցանկացած պատժամիջոցի վերացում և Թեհրանի վրա ճնշման թուլացումը չի ստիպի Իսլամական Հանրապետությանը՝ «վարվել միջազգային նորմերին համապատասխան»:

«Ես չեմ կարող հասկանալ, թե ինչպես է վարչակազմը, ընդհանուր առմամբ, հավատում, որ եթե պատժամիջոցները հանվեն և իրանցիների վրա ճնշման արշավը վերացվի, նրանք  կվարվեն միջազգային նորմերին համապատասխան»,- Պոմպեոյին մեջբերում է RT- ն:

Նրա կարծիքով՝ ինքը չգիտի, թե ինչպես կարող է ավարտվել Իրանի նկատմամբ կոշտ ուղու մեղմացումը։ Ըստ պետդեպարտամենտի նախկին ղեկավարի՝ Իրանը պատասխանատու է Եմենի հութիներին աջակցելու համար: Պոմպեոն հավելել է նաև, որ ԱՄՆ նախագահ Ջո Բայդենի վարչակազմը հութիներին հանել է օտարերկրյա ահաբեկչական կազմակերպությունների ցուցակից «ոչ այն պատճառով, որ նրանք դադարել են ահաբեկչական գործունեությունը, այլ այն պատճառով, որ նրանք չէին ցանկանում գոհացնել այաթոլլային»: Նա նաև շեշտել է, որ «իրանցիները կարող են դա ընկալել որպես թուլության նշան»: