Բլինքենն Ալիևի հետ քննարկել է ԵԱՀԿ Մինսկի խմբի աշխատանքը Արցախում կարգավորման ուղղությամբ

ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևի հետ հեռախոսազրույցում նշել է, որ կարևոր է շարունակել ԵԱՀԿ Մինսկի խմբի աշխատանքը՝ Լեռնային Ղարաբաղում կարգավորման հասնելու համար: Այս մասին ասվում է ԱՄՆ պետդեպարտամենտի մամուլի ծառայության՝ չորեքշաբթի տարածած հայտարարության մեջ. հաղորդում է ՏԱՍՍ-ը:

«ԱՄՆ պետքարտուղարը նշել է, որ կարևոր է շարունակել ԵԱՀԿ Մինսկի խմբի համանախագահների ջանքերը` Լեռնային Ղարաբաղի հակամարտության կայուն քաղաքական կարգավորմանը հասնելու համար`ի շահ տարածաշրջանի ժողովուրդների»,- նշել է նախարարությունը:

Բլինքենը և Ալիևը քննարկել են երկկողմ գործընկերության հարցեր, ինչպես նաև մի շարք այլ թեմաներ: