Անկարան Հայաստանն ընկալում է որպես պետություն, որը վտանգ է ներկայացնում Ադրբեջանի համար. ԹԱՄԺ նախագահ

Թուրքմենստանի խորհրդարանի նախաձեռնությամբ կազմակերպված՝ «Խորհրդարանների դերը միջազգային խաղաղության և կայունության ամրապնդման գործում» խորագրով միջոցառման ժամանակ Թուրքիայի խորհրդարանի խոսնակ Մուստաֆա Շենթոփը հանդես է եկել հերթական հակահայկական և անհիմն հայտարարություններով:

Նրա խոսքով՝ «Թուրքիան Հայաստանը ընկալում է որպես պետություն, որը վտանգ է ներկայացնում Ադրբեջանի համար»:

«Թուրքիայի աջակցությունը Ադրբեջանին ոչ միայն երկու երկրների բարեկամության և եղբայրության ցուցանիշն է, այլ նաև, տարածաշրջանային խաղաղության սպառնալիքի ֆոնին, Բաքվի դիրքորոշման արդարացման վկայություն»,- ասել է Շենթոփը:

«Բացի ՄԱԿ-ի և տարածաշրջանային կազմակերպությունների՝ կարողությունների զարգացման ջանքերին աջակցելուց, առանձին պետությունների հետ իրականացվում են երկկողմ ծրագրեր, ինչպես նաև կնքվում են պաշտպանության և անվտանգության ոլորտում համագործակցության մասին համաձայնագրեր: Թուրքիան բաց է համագործակցության համար»,- ավելացրել է ԹԱՄԺ նախագահը: