Ադրբեջանական կողմը ընկալում է Փաշինյանին որպես գործընկերոջ, որը դեռ պատրաստ չէ լուրջ երկխոսության. Ադրբեջանի ԱԳՆ նախկին ղեկավար

Ադրբեջանի  ԱԳՆ նախկին ղեկավար Թոֆիկ Զուլֆուգարովը մեկնաբանել է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ Դավոսում կայացած հանդիպումը. հայտնում է Minval.az-ը:

Ըստ նրա` տեղեկատվությունը քիչ է, այդ իսկ պատճառով բարդ է ինչ-որ եզրակացություններ անել: Սակայն, ընդհանուր առմամբ, կարելի է ասել, որ ադրբեջանական կողմն օգոագործում է  իր դիրքորոշումը ևս  մեկ անգամ Փաշինյանին հասցնելու հնարավորությունը:

«Ես կարծում եմ, որ ադրբեջանական կողմը ընկալում է Փաշինյանին որպես գործընկերոջ, որը դեռ պատրաստ չէ լուրջ երկխոսության: Ադրբեջանը փորձում է պարզել` ինչ կարելի է հեռանկարում սպասել Փաշինյանից»,- ասել է նախկին պաշտոնյան:

Նա նաև ընդգծել է, որ նման հանդիպումները հստակ ուղերձ են միջազգային հանրությանը, որ Ադրբեջանը ձեռնարկում է հնարավոր ամեն քայլ` հակամարտությունը խաղաղ ճանապարհով լուծելու համար:

«Ես վստահ եմ, որ Փաշինյանը երբեք չի գնա հակամարտության քաղաքական լուծման: Նրա խնդիրը ժամանակ շահելն է»,- ասել է Զուլֆուգարովը: