Մոսկվայում ցեղասպանության զոհերի հիշատակը ոգեկոչող տեղեկատվական վահանակներ են տեղադրվել

Մոսկվայում ապրիլի 24-ին ընդառաջ Ռուսաստանի հայերի միության ջանքերով Հայոց ցեղասպանության զոհերի հիշատակը ոգեկոչող տեղեկատվական վահանակներ են տեղադրվել։ Այդ մասին ասվում է ՌՀՄ ֆեյսբուքյան էջում։

Նշվում է, որ Ռուսաստանի հայերի միությունը տեղադրել է վահանակները Մոսկվայի փողոցներում, ինչպես նախորդ տարիներին, որպես հիշեցում, որ ավելի քան 100 տարի առաջ հայ ժողովուրդը վերապրել է իր պատմության ամենադաժան էջը՝ Հայոց ցեղասպանությունը։

Հիշեցնենք, որ Հայոց ցեղասպանության 106-րդ տարելիցին ընդառաջ ամերիկահայերը նույնպես բարձրաձայնել են և կոչ են արել ԱՄՆ նախագահ Ջո Բայդենի վարչակազմին պաշտոնապես ճանաչել Հայոց ցեղասպանությունը: Փենսիլվանիայի Հայ Դատի գրասենյակը հսկայական տեղեկատվական վահանակներ է տեղադրել նահանգի Բաքս եւ Մոնտգոմերի շրջաններում՝  կոչ անելով Բայդենին «արժանապատվորեն և խիզախաբար ճանաչել Հայոց Ցեղասպանությունը»: