Ադրբեջանում կանցկացվեն օպերատիվ-մարտավարական զորավարժություններ

Ադրբեջանի նախագահ Իլհամ Ալիևի կողմից հաստատված ծրագրի համաձայն՝ մարտի 15-ից ադրբեջանական բանակում կանցկացվեն զորամասերի  ներգրավմամբ օպերատիվ-մարտավարական զորավարժություններ. հայտնում է երկրի պաշտպանության նախարարությունը:

Պաշտպանության նախարարի ղեկավարությամբ անցկացվելիք զորավարժություններին կմասնակցեն մինչև 10 000 զինծառայող, շուրջ 100 միավոր տանկեր և այլ զրահամեքենաներ, մինչև 200 տարբեր տրամաչափի հրթիռային և հրետանային կայանքներ, բազմաթիվ հրթիռային համակարգեր և ականանետներ, մինչև 30 միավոր ռազմական ավիացիա, ինչպես նաև անօդաչու թռչող սարքեր տարբեր նպատակներով:

Զորավարժություններն անցկացվելու են դժվարանցանելի տեղանքներումվ՝  լեռնային և անտառապատ տարածքներում։ Զորավարժությունների ընթացքում, որը կտևի մինչև մարտի 18-ը, զորքերը կատարելու են ահաբեկչական ջոկատների (խմբերի), ինչպես նաև անօրինական զինված խմբավորումների դեմ պայքարի խնդիրներ և հակաահաբեկչական գործողություններ: