ԱՄՆ-ը Նավալնիի պատճառով պատժամիջոցներ սահմանեց 7 ռուս գործչի և 14 կազմակերպության դեմ

ԱՄՆ ֆինանսների նախարարությունը հրապարակել է այն ռուսաստանցիների ցուցակը, որոնց նկատմամբ պատժամիջոցներ են սահմանվում ընդդիմության առաջնորդ Ալեքսեյ Նավալնիի «թունավորման» և դրան հաջորդած բանտարկության կապակցությամբ:

Պատժամիջոցների ցուցակը ներառում է՝

• ԱԴԾ տնօրեն Ալեքսանդր Բորտնիկովին,
• նախագահի աշխատակազմի ղեկավարի առաջին տեղակալ Սերգեյ Կիրիենկոյին,
• գլխավոր դատախազ Իգոր Կրասնովին,
• պատիժների կատարման դաշնային ծառայության ղեկավար Ալեքսանդր Կալաշնիկովին,
• նախագահի աշխատակազմի ներքին քաղաքականության հարցերով ղեկավար Անդրեյ Յարինին,
• պաշտպանության փոխնախարար Ալեքսեյ Կրիվորուչկոյին,
• պաշտպանության փոխնախարար Պավել Պոպովին։

Ընդհանուր առմամբ, ըստ The Hill-ի, քիմիական արտադրության հետ կապված 14 կազմակերպությունն ենթարկվել է սահմանափակումների: Դրանցից ինը գտնվում են Ռուսաստանում, երեքը՝ Գերմանիայում, մեկը՝ Շվեյցարիայում: