ԱՄՆ-ը Ռուսաստանին և Թուրքիային պահանջներ է ներկայացրել Լիբիայի վերաբերյալ

ԱՄՆ-ը Ռուսաստանից և Թուրքիայից պահանջել է «դուրս բերել իրենց զորքերը» Լիբիայից: Պահանջը ձևակերպվել է ՄԱԿ-ի Անվտանգության խորհրդի նիստում ՄԱԿ-ում ԱՄՆ գործերի ժամանակավոր հավատարմատար Ռիչարդ Միլսի կողմից:

Նա հայտարարել է, որ Վաշինգտոնը կոչ է անում Մոսկվային և Անկարային՝ «անհապաղ սկսել իրենց ուժերի դուրսբերումը երկրից»: Միլսը նաև պահանջել է հետ կանչել Ռուսաստանի և Թուրքիայի «վարձկաններին և ռազմական միջնորդներին»:

Հիշեցնենք, որ Թուրքիան սատարում է Լիբիայում ռազմաքաղաքական հակամարտության կողմերից՝ Ազգային համաձայնության կառավարությանը. Անկարան պաշտոնապես չի ընդունում, որ աջակցում է վարձկաններին: Իսկ ՌԴ–ն աջակցում է Խալիֆա Հաֆթարի գլխավորած Լիբիայի Ազգային բանակին։