Իրանի արտգործնախարարը նախատեսում է այցելել անդրկովկասյան երեք պետություններ և Ռուսաստան

Իրանի արտաքին գործերի նախարար Մոհամադ Ջավադ Զարիֆը կայցելի Վրաստան, Ադրբեջան, Հայաստան և Ռուսաստան. հաղորդում է «Ֆարս» գործակալությունը:

«Հաջորդ շաբաթ, եթե ամեն ինչ ընթանա ըստ ծրագրի, և կորոնավիրուսի վերաբերյալ մեր թեստերի արդյունքները բացասական լինեն, կարծում եմ, որ ես կգնամ Կովկաս և Ռուսաստան», - ասել է նա:

Զարիֆը հայտնել է, որ նախատեսում է այցելել երկրներ, որոնց հետ կարելի է համագործակցել Լեռնային Ղարաբաղի ճգնաժամի կարգավորման և տարածաշրջանում խաղաղության ու կայունության հաստատման գործում:

Իրանի արտգործնախարարի խոսքով՝ այցերի ժամկետներն արդեն համաձայնեցված են: Բացի այդ՝ Զարիֆը նշել է, որ Իրանը բանակցություններ է վարում Թուրքիայի հետ:

Վրաստանի և Իրանի միջև դիվանագիտական հարաբերությունները հաստատվել են 1992 թվականի մայիսի 15-ին: Դրանից հետո երկրների միջև երկկողմ հարաբերություններն ակտիվորեն զարգանում են քաղաքական, առևտրատնտեսական, ներդրումային, գյուղատնտեսական, մշակութային, կրթական և զբոսաշրջության ոլորտներում: