Վրաստանի նախագահը նշել է Ռուսաստանի հետ երկխոսության կարևորությունը

Վրաստանի նախագահ Սալոմե Զուրաբիշվիլին, խոսելով նորընտիր խորհրդարանի առաջին նստաշրջանում, շեշտել է Աբխազիայի և Հարավային Օսիայի հետ հարաբերությունների կարգավորման նոր ուղիներ գտնելու և Ռուսաստանի հետ երկխոսություն սկսելու կարևորությունը. հայտնում է «ՌԻԱ Նովոստի»-ն։

Ռուսաստանը Աբխազիայի և Հարավային Օսիայի անկախությունը ճանաչելուց հետո խզել է դիվանագիտական հարաբերությունները Մոսկվայի հետ: Վրաստանը համարում է, որ այդ տարածքներն օկուպացված են:

«Սառեցված հակամարտությունները լուծելու և օկուպացիան հաղթահարելու համար անհրաժեշտ է նոր մոտեցում և ելք ինքնամեկուսացումից... Ի տարբերություն ամբողջ աշխարհի և մեր ամենամոտ գործընկերների, չի կարելի լինել միակ երկիրը, որը հրաժարվում է դիվանագիտությունից: Պետք է նշել, և դրանում ես մասամբ համաձայն եմ ընդդիմության հետ, որ Ռուսաստանի հետ միայն զուգահեռ դիվանագիտությունը արդարացված չէ»,- ասել է Զուրաբիշվիլին:

Նրա խոսքով`երկխոսությունն ունի իր ձևաչափերը, և այդ ուղղությամբ միջազգային գործընկերների աջակցությունն անհրաժեշտ է: Նախագահը նշել է, որ «կարևոր է գտնել աբխազ և օս եղբայրների հետ հարաբերությունների կարգավորման նոր մոտեցումներ»: Երկրի ղեկավարի կարծիքով՝ անհրաժեշտ է գտնել հեռավորությունը կրճատելու և միավորվելու ուղիներ, և դրա համար անհրաժեշտ է օգտագործել բոլոր հնարավորությունները: