Էրդողանը Արևելյան Միջերկրականի հարցով երկխոսության կոչ է արել

Թուրքիայի նախագահ Ռեջեփ Թայիփ Էրդողանը հայտարարել է, որ դիվանագիտությանը պետք է հնարավորություն տրվի, եթե այն ցանկանում է Միջերկրականում կայուն լուծման հասնել: «Որովհետև դիվանագիտությունն ու բանակցությունները ամենաերաշխավորված ճանապարհներն են, որոնք մեզ ընդհանուր հայտարարի են բերում»,– ասել է թուրք առաջնորդը։

«Արևելյան Միջերկրականի վերաբերյալ մեր և աշխարհի մի շարք պետությունների ու ակադեմիական կառույցների մոտ առաջնահերթ օրակարգ է ձևավորվում։ Մենք մոտիկից հետևում ենք, որպեսզի պաշտպանենք մեր շահերն ու Հյուսիսային Կիպրոսի թուրքական հանրապետության իրավունքները»,– նշել է նա։

Էրդողանը նաև հավելել է, որ Միջերկրականում խնդիրները լուծելու համար պետք է սեղանի շուրջը նստել տարածաշրջանի բոլոր պետությունների հետ։