Մի շարք երկրներ հետաքրքրված են նոր Ս-500-ներով

Մի շարք երկրներ, ներառյալ՝ նրանք, որոնք արդեն ունեն ռուսական Ս-400 «Տրիումֆ» հակաօդային պաշտպանության համակարգերը, շահագրգռված են գնել վերջին սերնդի Ս-500 «Պրոմեթևս» հակաօդային պաշտպանության համակարգերը. լրագրողներին հայտնել է «Ռոստեկ»-ի գործադիր տնօրեն Սերգեյ Չեմեզովը:

Այսօր Ս-400-ն առկա է Չինաստանի և Թուրքիայի սպառազինությունում, բացի այդ՝ Հնդկաստանի հետ կնքվել է այդ համակարգերի մատակարարման պայմանագիր:

«Հետաքրքրություն կա, բայց ով է, չեմ ասի: Ներառված են նաև նրանք, ովքեր արդեն մեզանից գնել են Ս-400»,- ասել է Չեմեզովը:

Նշենք, որ Ս-500-ների մատակարարումները կսկսվեն 2025 թվականից: Այն ունակ է բացահայտել և խոցել մինչև 600 կմ հեռավորության օբյեկտներ։