Ղարաբաղ առաքված ՌԴ ԱԻՆ-ի մարդասիրական օգնությունը կուղարկվի Ստեփանակերտ եւ Շուշի

Լեռնային Ղարաբաղում տների եւ սոցիալական օբյեկտների վերականգնման համար շինարարական նյութերով մարդասիրական օգնությունը, որը երեքշաբթի օրը տեղ է հասցրել Ռուսաստանի արտակարգ իրավիճակների նախարարության երկրորդ շարասյունը, կուղարկվի Շուշի եւ Ստեփանակերտ քաղաքներ, հաղորդում է ՏԱՍՍ-ը:

«Որպես մարդասիրական օգնություն` 300 տոննա բեռն առաքվել է 30 ծանր բեռնատարներով: Բեռը բաժանված է երկու մասի՝ մի մասը ուղղվել է դեպի Շուշի, մյուսը՝ Ստեփանակերտ»,- հայտնել են ԱԻՆ մամուլի ծառայությունից:

Նոյեմբերի 21-ին ԱԻՆ առաջին շարասյունը հինգ մեքենայով 45 տոննա շինանյութ է հասցրել Ստեփանակերտ: Ընդհանուր առմամբ, ներգրավված է եղել 35 միավոր տեխնիկա եւ անձնակազմի մոտ 40 անդամ: