Մարդասիրական օգնությունն ԱԻՆ-ից կուղարկվի Արցախ

Հարգելի լրագրողներ, ապրիլի 9-ին, ժամը 11:30-ին մարդասիրական պաշարով բեռնված ավտոշարասյունը ՀՀ ԱԻ նախարարությունից կուղևորվի Արցախ:

Նախնական տվյալներով շարասյունը կազմված է լինելու 9 բեռնատար մեքենայից, որոնցից երկուսը` սառնարանային: Ապրիլի 7-8-ը ՀՀ արտակարգ իրավիճակների նախարարությունը շարունակեց հյուրընկալել Արցախին մարդասիրական աջակցություն ցուցաբերելու պատրաստ անհատ քաղաքացիներին ու տարբեր կազմակերպությունների ներկայացուցիչներին: Ինչպես նշել էինք, առաջին պատրաստակամներից էին ԱԻՆ աշխատակիցները:

Իրականացվել է դրամահավաք, ինչպես նաև՝ հավաքվել են պարենային, բժշկական և նյութական այլ պաշարներ: Մեծ ակտիվություն են ցուցաբերել Երևան քաղաքի փրկարարական վարչության և Ազգային օդագնացների ֆեդերացիայի անձնակազմը:

Մանրամասն` այստեղ