Ռուսաստանը չի լքել Հայաստանին, նա իր բոլոր ուժերը նետել է ղարաբաղյան խնդիրը լուծելուն. Զախարովա

Ռուսաստանի արտաքին գործերի նախարարության մամուլի խոսնակ Մարիա Զախարովան քննադատել է լրատվամիջոցներում տեղ գտած հրապարակումները և բոլոր նրանց, ովքեր կարծում են, թե Մոսկվան հրաժարվել է ղարաբաղյան հակամարտությունում իր դաշնակցից: Ընդհակառակը, ըստ նրա, Ռուսաստանը նետել է իր բոլոր ուժերը՝ պատերազմը դադարեցնելու համար, նախ՝ քաղաքականը՝ կիրառելով դիվանագիտություն, միջազգային իրավունք, բանակցային գործընթաց, ապա՝ խաղաղապահներին:

Զախարովայի կարծիքով՝ բոլոր նրանք, ովքեր այսօր «գոռգռում են միմյանց վրա թերթերում և հեռուստածրագրերում, պետք է հիշեն, որ տարածաշրջանի և նրա բնակիչների անվտանգությունը, խաղաղությունն ու ապագան ապահովում են ռուս խաղաղապահները»:

«Սա, մեծ հաշվով, աննախադեպ որոշում է, և ես երբեմն այնպիսի տպավորություն եմ ունենում, որ շատերը չեն գիտակցում որոշման մասշտաբները»,– եզրափակել է նա։