Մակրոնը պատրաստ է օգնել ԼՂ-ում իրավիճակի երկարաժամկետ ու արդարացի կարգավորման հասնելուն

Ֆրանսիայի նախագահ Էմանուել Մակրոնը հեռախոսային զրույց է ունեցել Հայաստանի վարչապետ Նիկոլ Փաշինյանի հետ։ Այս մասին հայտնում է ՏԱՍՍ-ը՝ նշելով, որ Ելիսեյան պալատից տեղեկացրել են, որ զրույցի ժամանակ ֆրանսիացի առաջնորդը պատրաստակամություն է հայտնել նպաստել Լեռնային Ղարաբաղի Հանրապետությունում իրավիճակի երկարաժամկետ ու հակամարտության գոտու բոլոր կողմերի համար արդարացի կարգավորմանը։

Այս առնչությամբ նախագահական աշխատակազմի հայտարարությունում ասվում է. «Նախագահը գոհունակություն է հայտնել ռազմական գործողությունների դադարեցմամբ, հիշեցրել Հայաստանի ու նրա ժողովրդի հետ իր բարեկամության մասին, ինչպես նաև հայտարարել իր պատրաստակամությունը գտնելու Լեռնային Ղարաբաղում բոլոր կողմերի համար արդարացի, երկարաժամկետ ու ընդունելի քաղաքական լուծում»: