ՏԵՍԱՆՅՈՒԹ․ Ազատության հրապարակից բերման է ենթարկվել 20 քաղաքացի

Վարչապետի հրաժարականի պահանջով Երևանի Ազատության հրապարակում այսօր տեղի ունեցած հանրահավաքի ավարտին հրապարակից բերման է ենթարկվել 20 քաղաքացի։ Այս մասին Yerkir.am-ին տեղեկացնում են Ոստիկանության լրատվության վարչությունից:

«Նշված քաղաքացիների նկատմամբ Վարչական իրավախախտման վերաբերյալ օրենսգրքի 182.5-րդ (ռազմական դրության իրավական ռեժիմի ընթացքում գործող կանոնները խախտելը) հոդվածով կազմվել է արձանագրություն»,- հայտնեցին Ոստիկանությունից։

Նշենք, որ Ոստիկանությունը զգուշացնում էր, որ հանրահավաքն ապօրինի է և պետք այն դադարեցնել, սակայն քաղաքացիները բերման ենթարկվեցին հանրահավաքի ավարտին:

Հանրահավաքին մասնակցում էին քաղաքական ուժեր, հազարավոր ՀՀ քաղաքացիներ, ՀՀ-ում ապաստանած արցախցիներ: Նրանք Պահանջում են Նիկոլ Փաշինյանի հրաժարականը Արցախի տարածքները հանձնելու պատճառով:

Տեսանյութը՝ Yerkir.am-ի․