Թուրքիան և Ռուսաստանը ստորագրել են արձանագրություն Ղարաբաղում հրադադարի վերահսկման համատեղ կենտրոնի մասին

Թուրքիայի նախագահ Ռեջեփ Թայիփ Էրդողանը չորեքշաբթի հայտարարություն է տարածել այն մասին, որ Անկարան և Մոսկվան արձանագրություն են ստորագրել թուրք-ռուսական համատեղ կենտրոնի ստեղծման մասին, որը կհսկի Լեռնային Ղարաբաղում հրադադարի ռեժիմը:

«Այսօր առավոտյան ստորագրվեց փոխըմբռնման հուշագիր Լեռնային Ղարաբաղում հրադադարի ռեժիմի վերահսկման թուրք-ռուսական համատեղ կենտրոնի վերաբերյալ»,- ասել է Թուրքիայի նախագահը:

Էրդողանը նաև հույս է հայտնել, որ «Սիրիայում, ինչպես Լեռնային Ղարաբաղի հարցում, կապահովվի արդար խաղաղություն»: «Թուրքիան պատրաստ է Սիրիայի ապագայի հարցում Ռուսաստանի հետ սերտ համագործակցության»,- հավելել է նա: