Ռուս-թուրքական համատեղ կենտրոնի ռուսական ԱԹՍ-ները վերահսկում են Լեռնային Ղարաբաղում հրադադարի ռեժիմի պահպանումը

Ռուս-թուրքական միացյալ կենտրոնի անձնակազմը շարունակում է իրականացնել ԼՂ հակամարտության գոտում հրադադարի ռեժիմի պահպանման և ռազմական գործողությունների մոնիտորինգ. հայտնում է ՌԴ ՊՆ–ն։

Ռուսաստանի ռազմական անձնակազմը վերահսկում է հրադադարի ռեժիմը`կիրառելով «Forpost» և «Orlan-10» անօդաչու թռչող սարքերը:

Համատեղ կենտրոնի զինծառայողները անօդաչու թռչող սարքերից շարունակաբար պատկերներ են ուղարկում կառավարման կենտրոն, որտեղ վերլուծվում են ռազմական տեխնիկայի, անձնակազմի բոլոր տեղաշարժերը և արձանագրվում կողմերի շփման գիծը հատելու բոլոր փաստերը:

Միասնական կենտրոնի հերթափոխը հավաքում, ամփոփում և ստուգում է ձեռք բերված պայմանավորվածությունների խախտումների վերաբերյալ տեղեկատվությունը, քննարկում ցանկացած բողոք այն հարցերի կամ խնդիրների վերաբերյալ, որոնք կապված են Լեռնային Ղարաբաղի հակամարտության կողմերի ձեռք բերած պայմանավորվածությունները չկատարելու հետ:

ԼՂ հակամարտության գոտում հրադադարի և բոլոր ռազմական գործողությունների վերահսկման ռուս-թուրքական համատեղ կենտրոնը տեղակայվել է Ադրբեջանի Հանրապետության տարածքում`համաձայն ՌԴ և Թուրքիայի պաշտպանության գերատեսչությունների ղեկավարների կողմից 2020 թվականի նոյեմբերի 11-ին ստորագրված հուշագրի: