Թուրքիան խոստացել է «կոշտ պատասխանել» Ֆրանսիայում «Գորշ գայլերի» արգելքին

Թուրքիայի արտգործնախարար Մևլյութ Չավուշօղլուն հայտարարել է, որ Թուրքիան «կոշտ կպատասխանի» Ֆրանսիայում «Գորշ գայլեր» թուրքական ծայրահեղ ազգայնամոլական կազմակերպության արգելքին. հայտնում է Le Figaro- ն:

Ելույթ ունենալով Թուրքիայի մայրաքաղաք Անկարայում կայացած մամուլի ասուլիսում՝ Թուրքիայի արտգործնախարարն ասել է, որ «անհրաժեշտ է պաշտպանել Ֆրանսիայում խոսքի ազատությունը և Թուրքիայից ներգաղթյալների հավաքների ազատությունը»:

Չավուշօղլուն ծայրահեղական «սադրանք» է համարել «Գորշ գայլեր» կազմակերպությունն արգելելու՝ Ֆրանսիայի որոշումը: Նախարարը նաև հավելել է, որ Թուրքիան «կոշտ արձագանքելու է» այս որոշմանը:

Հիշեցնենք, որ օրեր առաջ ֆրանսիայի հայաբնակ Դեսին շրջանում թուրք ազգայնամոլները պղծել էին Հայոց ցեղասպանության զոհերի հուշարձանը՝ վրան գրելով RTE (Recep Tayip Erdoğan) և Bozkurt (գորշ գայլեր). հենց այս փաստն է, ըստ ֆրանսիական ԶԼՄ–ների, պատճառը թուրքական ազգայնամոլական–ահաբեկչական կազմակերպության գործունեության արգելքի։