Ադանայի համալսարանը ցանկանում են անվանակոչել «Գորշ գայլերի» առաջնորդի անունով

Ադանայի համալսարանը ցանկանում են անվանակոչել «Գորշ գայլերի» առաջնորդի անունով. հայտնում է evrensel.net կայքը:

Թուրքիայի նախագահ Ռեջեփ Թայիփ Էրդողանը զանգահարել է «Ազգայնական շարժում» կուսակցության առաջնորդ Դևլեթ Բահչելիին և առաջարկել ԱՇԿ հիմնադրման 50-ամյակի կապակցությամբ Ադանայի գիտությունների և տեխնոլոգիական համալսարանը անվանակոչել հանրապետական Թուրքիայի ամենաազդեցիկ քաղաքական դեմքերից մեկի, ազգայնամոլների առաջնորդ, ԱՇԿ հիմնադիր Ալփարսլան Թյուրքեշի անունով:

Զանգից անմիջապես հետո Ազգային մեջլիսում օրինագիծ առաջարկվեց, որի տակ կար ԱՇԿ նախկին անդամ, այնուհետև Էրդողանի կուսակցություն տեղափոխված Յըլդըրըմ Թյուրքեշի (Ալփարսլան Թյուրքեշի որդու) ստորագրությունը: Օրինագծում նշվում էր, որ նման պրակտիկա կիրառվել է նաև այլ հայտնի դեմքերից` Բյուլենթ Էջևիթի, Սուլեյման Դեմիրելի, Նեջմեթթին Էրբաքանի դեպքում: