Զելենսկին պատասխանել է Սարիկ Անդրեասյանին և արդարացել Ադրբեջանին զենք մատակարարելու մեղադրանքների համար

Ուկրաինայի նախագահ Վլադիմիր Զելենսկին պատասխանել է ռեժիսոր Սարիկ Անդրեասյանի այն մեղադրանքներին, որ Կիևը ֆոսֆորային ռումբեր է մատակարարում Ադրբեջանին՝ Արցախում մարտերի համար:

«Ուկրաինան երբեք ոչ մի տեղ ֆոսֆորային ռումբ չի մատակարարել: Ընդհանրապես: Հատկապես՝ այն վայրեր, որտեղ արդեն թեժ է, և որտեղ արդեն կան շատ տաք գլուխներ, որոնք ցանկանում են աշխարհաքաղաքականորեն ինչ-որ բան լուծել»,- գրել է Զելենսկին Telegram-ում:

Նա առիթը բաց չի թողել Ռուսաստանին մեղադրելու համար: «Ես միշտ կողմնակից եմ արդար աշխարհի: Եվ Ուկրաինան հաստատ ոչ մեկին զենք չի մատակարարում: Ի տարբերություն մեկ այլ հայտնի երկրի, որը զենք է մատակարարում բոլորին: Հետևաբար, նրա համար պատերազմները հաց ու արյուն են»,- նշել է Զելենսկին։