Թուրքիան փորձում է ազատվել Ադրբեջան ուղարկված ահաբեկիչների համակարգողից

Լրագրող Լինդսի Սնելը Twitter-ի իր միկրոբլոգում լուսանկար է հրապարակել՝ նշելով. ««Համզա»-ի (ահաբեկչական խմբավորման) առաջնորդ Աբու Ջաբերը, որը նշանակվել է Թուրքիայի կողմից՝ զինյալներ հավաքագրելու և Ադրբեջան ուղարկելու համար, ծանր վիրավորվել է Ջաբալ-Բարադում՝ նրա մեքենայի մեջ ռումբ նետելու արդյունքում: «Համզա»-ից մի մարդ ասում է, որ, իրենց կարծիքով, դա Ադրբեջանում զոհված սիրիացիներից մեկի ընտանիքի դեմ մահափորձ էր»:

Նշենք, որ համացանցում արդեն մի շարք հրապարակումներ են հայտնվում, ըստ որոնց՝ Ադրբեջան ուղարկված սիրիացի ահաբեկիչների ընտանիքներն իրենց դժգոհությունն են հայտնում իրենց խաբելու, գումար չվճարելու համար: