Ահաբեկիչները չեն հեռացել. նախատեսվում է Ադրբեջան ուղարկել ավելի շատ ահաբեկիչների. Լինդսի Սնել

Այսպես կոչված՝ Սիրիայի ազգային բանակի աղբյուրները հայտնում են, որ սիրիացիները դեռևս Ադրբեջանում են։ Խոսակցություններ կան ավելի շատ ահաբեկիչ ուղարկելու մասին: Այս մասին հայտնում է ամերիկացի հայտնի լրագրող Լինդսի Սնելը, որը մասնագիտացված է ահաբեկչության ուսումնասիրման գործում։

«Խոսակցություններն այն մասին են, որ պաշտպանեն հատուկ կետերը, երկարաժամկետ աջակցեն թուրքական ռազմաբազաներին։ Բայց կարող է այնպես լինել, որ նրանց ներկայությունը ձեռնտու է Թուրքիային։ Նրանք վճարվում են յուրաքանչյուր գլխի համար»,– նշել է Սնելը։

Ըստ նրա՝ սիրիացի վարձկանների ընտանիքները չեն պատրաստվում մեկնել այնտեղ լոգիստիկ դժվարությունների պատճառով։ Սիրիացի վարձկաններին չի թույլատրվում մնալ առանց վերահսկողության։ Շատերին արգելված է նույնիսկ սմարթֆոն ունենալ։