Այս պահին Երևանում sett-weather
Փոխարժեքներ 25 10 2025
USD ⚊ $ 383.05
EUR ⚊ € 444.8
RUB ⚊ ₽ 4.7296
GBP ⚊ £ 510.03
GEL ⚊ ₾ 141.19
կարևոր
0 դիտում, 5 տարի առաջ - 2020-10-05 10:14
Քաղաքական

Զուրաբիշվիլին առաջարկել է Թբիլիսիում անցկացնել ԼՂ հիմնախնդրով ԵԱՀԿ Մինսկի խմբի հանդիպումը

Զուրաբիշվիլին առաջարկել է Թբիլիսիում անցկացնել ԼՂ հիմնախնդրով ԵԱՀԿ Մինսկի խմբի հանդիպումը

Վրաստանի նախագահ Սալոմե Զուրաբիշվիլին մտադիր է հեռախոսային զրույց ունենալ Ադրբեջանի և Հայաստանի ղեկավարների հետ ու պատրաստակամություն է հայտնել, հնարավորության դեպքում Թբիլիսիում անցկացնել ԵԱՀԿ Մինսկի խմբի՝ Ղարաբաղյան հակամարտության կարգավորման վերաբերյալ նիստը: Այս մասին նա հայտարարել է «Ռուսթավի 2» հեռուստաընկերության հետ հարցազրույցում:

Նա, մասնավորապես, նշել է. «Եկել է նախագահների հետ զրուցելու ժամանակը, ինչը նախատեսված է այս շաբաթ… Կարևոր է պահպանել այն, որ Վրաստանը հետեւում է երկու հարեւան երկրների նկատմամբ չեզոքությանը: Մեր երկրների տնտեսությունն ու զարգացումը կախված են տարածաշրջանում կայունությունից եւ խաղաղությունից»։ 

Ըստ պաշտոնյայի՝ Վրաստանը կողմերին հրադադարի կոչ է արել՝ խուսափելու համար հակամարտության զոհերից:

«Երկու կողմից էլ նկատվում են ԵԱՀԿ Մինսկի խմբի ներգրավման պատրաստակամության նախադրյալներ։ Կարծում եմ, որ մենք պետք է նպաստենք թեկուզ Վրաստանում նիստի անցկացմանը։ Մենք կանենք ամեն ինչ եւ պատրաստ ենք այն ամենին, ինչը նրանց համար ընդունելի է»,- հստակեցրել է Վրաստանի նախագահը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը