ԱՀԿ-ն համեմատել է կորոնավիրուսի տարածումը Ռուսաստանում և Եվրոպայում

Առողջապահության համաշխարհային կազմակերպությունը (ԱՀԿ) չի արձանագրում Ռուսաստանում կորոնավիրուսով վարակման դեպքերի աճ, ի տարբերություն Եվրոպայի: Այա մասին հայտնել Է ՌԴ-ում կազմակերպության ներկայացուցիչ Մելիտա Վույնովիչը:

«Այս պահին մենք կարող ենք տեսնել, որ եվրոպական տարածաշրջանի շատ երկրներում ավելանում են կորոնավիրուսով վարակվելու դեպքերը, մենք դա Ռուսաստանում չենք տեսնում»,- նշել է Վույնովիչը առցանց համաժողովում:

Նա ասել է, որ կազմակերպությունը նման եզրակացությունների է հանգել Առողջապահական կանոնակարգերի ազգային առանցքային կետի միջոցով ԱՀԿ-ին ամեն օր տրամադրվող տվյալների հիման վրա:

Առողջապահության համաշխարհային կազմակերպությունը մարտի 11-ին նոր՝ COVID-19 կորոնավիրուսային վարակի բռնկում Է հայտարարել: Վերջին տվյալներով՝ կորոնավիրուսով վարակման դեպքերի թիվն աշխարհում գերազանցել է 29 միլիոնը։ Ապաքինվել է ավելի քան 19,6 մլն հիվանդ: