Եթե քայլեր չձեռնարկվեն, Եվրոպայում առողջապահական համակարգերը նորից ծանրաբեռնված կլինեն․ ԱՀԿ

Առողջապահության համաշխարհային կազմակերպությունն անհանգստացած է 11 երկրներում, այդ թվում՝ Հայաստանում, Շվեդիայում, Ուկրաինայում, Ադրբեջանում, կորոնավիրուսի նոր դեպքերի աճով:

Կազմակերպության Եվրոպայի տարածաշրջանային բյուրոյի տնօրեն Հանս Կլուգեն հայտարարել է, որ Եվրոպայում վարակի դեպքերի թիվը սկսել է նորից աճել՝ սահմանափակումների մեղմացումից հետո: «Եթե քայլեր չձեռնարկվեն, Եվրոպայում առողջապահական համակարգերը նորից ծանրաբեռնված կլինեն»,-նշել է նա:

Ամբողջ աշխարհում կորոնավիրուսի նոր տեսակով վարակվածների թիվը հասել է 9 միլիոն 700 հազարի: Ավելի քան 5 միլիոնն արդեն ապաքինվել է: Մահացածների թիվն էլ մոտենում է կես միլիոնին: