Թուրքմենստանում արգելվել է կորոնավիրուսի տարածումը. հրամայել է նախագահը

Թուրքմենստանի նախագահ Գուրբանգուլի Բերդիմուհամեդովը խորհրդակցություն է անցկացրել՝ կորոնավիրուսի տարածման ֆոնին. հայտնում է Yerkir.am-ը՝ Fergana.agency-ին հղումով:

Նշվում է՝ Թուրքմենստանի նախագահը հանձնարարություն է տվել, որի համաձայն պետք է ապահովվի զբոսաշրջային, մշակութային, սպորտային և այլ նպատակներով օտար երկրներ այցելող թուրքմենստանցիների այցերի վերահսկողություն, և հետազոտել երկիր մուտք գործող քաղաքացիներին:

Թուրքմենացի նախագահին զեկուցել են, որ Թուրքմենստանում սահմանված է վերահսկողություն և կարանտին՝ երկիր մուտք գործող օտարերկրացիների համար, միևնույն ժամանակ սահմանափակված է քաղաքացիների այցի հնարավորությունը դեպի այն երկրներ, որտեղ կորանավիրուսի օջախներ կան:

Հավելվում է նաև, որ ստուգման են ենթարկվում նաև ներմուծվող մթերքները:

Ի վերջո Բերդիմուհամեդովը կոչ է արել պատրաստ լինել ցանկացած իրավիճակի՝ COVID-19-ի առաջ վստահելի պատնեշ դնելու համար: